પાંચ રાજ્યમાં વિધાનસભા ચૂંટણીમાં પક્ષપલટા અને આક્ષેપ-પ્રતિઆક્ષેપો સાથે રાજકીય પાર્ટીઓ જીત મેળવવા માટે પોતાનું તમામ બળ લગાવી રહી છે. આ દરમિયાન ચૂંટણી સુધારાની તરફેણ કરનાર સમૂહ એસોસિયેશન ફોર ડેમોક્રેટિક રિફોર્મ્સ (ADR)નો રિપોર્ટ જાહેર થયો છે, જેમાં નાણાકીય વર્ષ 2019-20માં ભાજપે પોતાની સંપત્તિ 4847 કરોડ રૂપિયા જાહેર થયાનો ખુલાસો થયો છે. આ દેશની તમામ રાજકીય પાર્ટીઓમાં સૌથી વધારે છે અને રાષ્ટ્રીય પાર્ટીઓની કુલ સંપત્તિના 70% છે.

સાત રાષ્ટ્રીય પાર્ટીઓની કુલ સંપત્તિ 6998.57 કરોડ રૂપિયા જાહેર કરી હતી. 698.33 કરોડ રૂપિયા સંપત્તિ સાથે બહુજન સમાજ પાર્ટી બીજા નંબરે અને ત્રીજા સ્થાને કોંગ્રેસ 588.16 કરોડ સાથે રહી. દેશમાં સૌથી વધુ સમય સુધી સત્તામાં રહેલી પાર્ટી કોંગ્રેસની સંપત્તિ માત્ર 8.42% છે, પરંતુ દેવાના મામલે 49.55 કરોડ રૂપિયા સાથે પાર્ટી પહેલા નંબરે છે.