Source: 
Tamil Samayam
Author: 
Date: 
27.08.2021
City: 

கடந்த 2019 - 20ம் ஆண்டில் தேர்தல் நிதிப் பத்திரங்களை அளித்து 3,429.56 கோடி ரூபாயை அரசியல் கட்சிகள் பெற்றுள்ளன. இதில் பா.ஜ.க., காங்கிரஸ், தேசியவாத காங்கிரஸ், திரிணமூல் காங்கிரஸ் கட்சிகள் மட்டும் 87 சதவீத தொகையைப் பெற்றுள்ளன என, ஏ.டி.ஆர்., எனப்படும் ஜனநாயகத்துக்கான சீர்திருத்த அமைப்பு தெரிவித்துள்ளது.

ஜனநாயகத்துக்கான சீர்திருத்த அமைப்பு வெளியிட்டுள்ள அறிக்கையில் கூறப்பட்டுள்ளதாவது:
2019 - 20ம் ஆண்டில் பா.ஜ.க., தனது ஒட்டுமொத்த வருமானமாக 3,623.28 கோடி ரூபாய் பெற்றதாகத் தெரிவித்துள்ளது. ஆனால், அதில் 45.57 சதவீதம் அதாவது 1,651 கோடி ரூபாய் மட்டுமே செலவிட்டதாகத் தெரிவித்துள்ளது.

2019 - 20ம் ஆண்டில் காங்கிரஸ் கட்சியின் வருமானம் 682.21 கோடி ரூபாய். ஆனால், வருமானத்தை விட 998.15 கோடி ரூபாய் செலவிட்டதாக அக்கட்சி தெரிவித்துள்ளது. அதாவது வருமானத்தை விட 46 சதவீதம் கூடுதலாகச் செலவிட்டுள்ளது. திரிணமூல் காங்கிரஸ் கட்சி 143.67 கோடி ரூபாயை வருமானமாகக் கணக்கில் காட்டியுள்ளது. அதில் 107.27 கோடி ரூபாய் செலவிட்டுள்ளது.

தேர்தல் நிதிப் பத்திரங்களை விற்பனை செய்து வரும் எஸ்.பி.ஐ., வங்கி தகவல் அறியும் சட்டத்தின் மூலம் அளித்த பதிலில், '2019 - 20ம் ஆண்டில் தேர்தல் நிதிப் பத்திரங்கள் மூலம் 3,429.56 கோடி ரூபாயை அரசியல் கட்சிகள் பெற்றுள்ளன. இதில் 87.29 சதவீதப் பணத்தை பாஜக, காங்கிரஸ், திரிணமூல் காங்கிரஸ், தேசியவாத காங்கிரஸ் ஆகிய 4 தேசியக் கட்சிகள் பெற்றுள்ளன' எனத் தெரிவித்துள்ளது.

ஆனால், 2019 - 20ம் ஆண்டில் 3,441.32 கோடி ரூபாய்க்கு தேர்தல் நிதிப் பத்திரங்கள் வாங்கியதாக மாநில மற்றும் தேசியக் கட்சிகள் தெரிவித்துள்ளன. பாஜக, காங்கிரஸ், மார்க்சிஸ்ட் கம்யூனிஸ்ட், என்சிபி, பகுஜன் சமாஜ், திரிணமூல் காங்கிரஸ், சிபிஐ ஆகிய 7 தேசியக் கட்சிகள் தங்களின் ஒட்டுமொத்த வருமானமாக 4,758.206 கோடி ரூபாய் எனத் தெரிவித்துள்ளன.

நரேந்திர மோடியும் பாஜகவும் புதுச்சேரியை புறக்கணிக்கிறார்கள்!

இதில் அதிகபட்சமாக பாஜக சார்பில் நன்கொடையாக 3427.77 கோடி ரூபாய் பெறப்பட்டுள்ளன. இரண்டாவதாக, காங்கிரஸ் கட்சி 429.38 கோடி ரூபாயும், திரிணமூல் காங்கிரஸ் 108.54 கோடி ரூபாயும், மார்க்சிஸ்ட் கம்யூனிஸ்ட் கட்சி 93.01 கோடி ரூபாயும், இந்தியக் கம்யூனிஸ்ட் கட்சி 3.02 கோடி ரூபாயும், மார்க்சிஸ்ட் கட்சி 93.01 கோடி ரூபாயும் பெற்றுள்ளன.

இதில் 4 தேசியக் கட்சிகள் அதாவது பாஜக, காங்கிரஸ், என்சிபி, திரிணமூல் காங்கிரஸ் கட்சி ஆகியவை சேர்ந்து 2019-20ஆம் ஆண்டில் நன்கொடை மூலம் பெறப்பட்ட வருமானத்தில் 62.92 சதவீதத்தைப் பெற்றுள்ளன. அதாவது 2,993.82 கோடி ரூபாயைப் பெற்றுள்ளது.

© Association for Democratic Reforms
Privacy And Terms Of Use
Donation Payment Method