Millionaire Chief Ministers Of Country : असोसिएशन फॉर डेमोक्रटिक रिफॉर्म्सच्या अहवालानुसार देशातील २९ मुख्यमंत्री हे कोट्यधीश आहेत. तर काही मुख्यमंत्री हे कमी संपत्ती असलेले आहेत. जाणून घ्या अधिक...

देशातील ३० पैकी २९ राज्यांतील मुख्यमंत्री कोट्यधीश असल्याचे त्यांनी सादर केलेल्या प्रतिज्ञापत्रातील तपशिलाधारे स्पष्ट झाले आहे. आंध्र प्रदेशचे मुख्यमंत्री जगन मोहन रेड्डी यांच्याकडे सर्वाधिक ५१० कोटींची मालमत्ता आहे, तर पश्चिम बंगालच्या मुख्यमंत्री ममता बॅनर्जी यांच्याकडे सर्वांत कमी, म्हणजेच १५ लाखांची मालमत्ता आहे.

प्रतिज्ञापत्राचा अभ्यास

‘असोसिएशन फॉर डेमोक्रटिक रिफॉर्म्स’ने (एडीआर) ३० राज्ये आणि केंद्रशासित प्रदेशांतील मुख्यमंत्र्यांनी निवडणूक काळात सादर केलेल्या प्रतिज्ञापत्राचा अभ्यास केला आहे. निवडणूक काळातील प्रतिज्ञापत्रांच्या अभ्यासाअंती आम्ही या निष्कर्षाप्रत आलो आहोत, असे ‘एडीआर’ आणि ‘इलेक्शन वॉच’ने म्हटले आहे.

मुख्यमंत्र्यांची सांपत्तिक स्थिती

२८ राज्ये आणि दिल्ली, पुद्दुचेरी या दोन केंद्रशासित प्रदेशांमध्ये सध्या मुख्यमंत्री
जम्मू-काश्मीरमध्ये सध्या मुख्यमंत्री नाही
३० मुख्यमंत्र्यांपैकी २९ (९७ टक्के) मुख्यमंत्री कोट्यधीश
मुख्यमंत्र्यांची सरासरी संपत्ती ३३.९६ कोटी आहे

सर्वांत ‘धन’वान मुख्यमंत्री

- जगन मोहन रेड्डी (आंध्र प्रदेश) : ५१० कोटी

- पेमा खांडू (अरुणाचल प्रदेश) : १६३ कोटी
- नवीन पटनायक (ओडिशा) : ६३ कोटी

कमी संपत्ती असलेले मुख्यमंत्री

- ममता बॅनर्जी (पश्चिम बंगाल) : १५ लाख
- पिनरायी विजयन (केरळ) : १ कोटी
- मनोहर लाल (हरयाणा) : १ कोटी
- नितीशकुमार (बिहार) : ३ कोटी
- अरविंद केजरीवाल (दिल्ली) : ३ कोटी

गुन्हेगारी पार्श्वभूमीही...

३० मुख्यमंत्र्यांपैकी १३ जणांवर गंभीर गुन्ह्यांचे खटले दाखल
हत्या, हत्येचा प्रयत्न, अपहरण, धमकावणे अशा स्वरूपाच्या गुन्ह्यांचाही यांत समावेश
गंभीर फौजदारी खटले हे अजामीनपात्र असून, त्यात पाच वर्षांपेक्षा जास्त तुरुंगावाची तरतूद