- आंध्रचे जगनमोहन रेड्डी यादीत प्रथम

देशातील 30 पैकी 29 म्हणजे 97 टक्के (Chief Ministers) मुख्यमंत्री कोट्यधीश असून, यादीत 510 कोटी रुपयांच्या संपत्तीसह आंध्र प्रदेशचे मुख्यमंत्री जगनमोहन रेड्डी हे आघाडीवर आहेत. ही माहिती असोसिएशन फॉर डेमोक्रेटिक रिफॉर्मस संस्थेकडून (एडीआर) बुधवारी देण्यात आली. प. बंगालच्या मुख्यमंत्री ममता बॅनर्जी यांच्याकडे सर्वात कमी म्हणजे 15 लाख रुपयांची संपत्ती आहे.

राज्ये आणि केंद्रशासित प्रदेशांच्या (Chief Ministers) मुख्यमंत्र्यांनी दिलेल्या प्रतिज्ञापत्राचा आधार घेत एडीआर आणि इलेक्शन वॉच या संस्थांनी हा अहवाल बनविला आहे. जम्मू काश्मीरमध्ये सध्या मुख्यमंत्री नसल्याने हे राज्य वगळण्यात आले आहे. सर्व मुख्यमंत्र्यांच्या सरासरी संपत्तीचा आकडा काढला, तर तो 33.96 कोटी रुपये इतका भरतो. 30 पैकी 13 म्हणजे 43 टक्के मुख्यमंत्र्यांनी दिलेल्या माहितीनुसार, त्यांच्यावर हत्या, हत्येचा प्रयत्न, अपहरण आदी स्वरुपाचे गंभीर गुन्हे दाखल आहेत.

ज्या मुख्यमंत्र्यांची संपत्ती सर्वाधिक आहे, त्यात जगनमोहन यांच्यापाठोपाठ अरुणाचल प्रदेशचे पेमा खंडू दुसर्‍या क्रमांकावर आहेत. खंडू यांची संपत्ती 163 कोटी रुपये इतकी आहे. ओडिशाचे (Chief Ministers) नवीन पटनाईक 63 कोटी रुपयांच्या संपत्तीसह तिसर्‍या क्रमांकावर आहेत. कमी संपत्ती असलेल्या मुख्यमंत्र्यांमध्ये प. बंगालच्या ममता बॅनर्जी यांच्याकडे अवघी 15 लाखांची संपत्ती असून, केरळच्या पी. विजयन तसेच हरयाणाच्या मनोहरलाल खट्टर यांच्याकडे प्रत्येकी एक कोटी रुपयांची संपत्ती आहे. बिहारचे मुख्यमंत्री नितीश कुमार तसेच दिल्लीचे मुख्यमंत्री अरविंद केजरीवाल यांच्याकडे प्रत्येकी तीन कोटी रुपयांची संपत्ती आहे.

सर्वाधिक गुन्हे दाखल असलेल्या (Chief Ministers) मुख्यमंत्र्यांमध्ये चंद्रशेखर राव 64 गुन्ह्यांसह पहिल्या क्रमांकावर आहेत. यात 36 गंभीर गुन्ह्यांचा समावेश आहे. तामिळनाडूचे मुख्यमंत्री स्टॅलिन यांच्यावर 47 गुन्हे दाखल असून, त्यातील दहा गुन्हे गंभीर स्वरूपाचे आहेत. तिसर्‍या क्रमांकावर असलेल्या जगनमोहन रेड्डी यांच्यावर 38 गुन्हे असून, त्यातले 35 गंभीर स्वरूपाचे आहेत. तर चौथ्या क्रमांकावर असलेल्या एकनाथ शिंदे यांच्यावर 18 गुन्हे दाखल असून, त्यातील एक गुन्हा गंभीर स्वरूपाचा आहे, असे एडीआर रिपोर्टमधून सांगण्यात आले आहे.

मुख्यमंत्री शिंदेंकडे 11 कोटींची संपत्ती

महाराष्ट्राचे (Chief Ministers) मुख्यमंत्री एकनाथ शिंदे यांच्याकडे 11 कोटी 56 लाख 12 हजार रुपयांची संपत्ती आहे. सर्वाधिक देणे असलेल्या मुख्यमंत्र्यांच्या यादीत शिंदे तिसर्‍या क्रमांकावर असून, त्यांची देणी 3 कोटी 74 लाख 60 हजार रुपयांची आहेत. सर्वाधिक देणी असलेल्या मुख्यमंत्र्यांमध्ये तेलंगणचे के. चंद्रशेखर राव 8 कोटी 88 लाख रुपयांसह पहिल्या तर कर्नाटकचे (Chief Ministers) मुख्यमंत्री बसवराज बोम्मई 4 कोटी 99 लाख रुपयांसह दुसर्‍या क्रमांकावर आहेत.