Source: 
ABP Gujarati
https://gujarati.abplive.com/news/gujarat/the-adr-report-provided-the-educational-information-of-gujarat-assembly-candidates-806017
Author: 
gujarati.abplive.com
Date: 
24.11.2022
City: 

Gujarat Assembly Elections: આજે એડીઆર દ્વારા ગુજરાત વિધાનસભાની ચૂંટણી લડી રહેલા ઉમેદવારો વિશે રિપોર્ટ જાહેર કરવામાં આવ્યો છે. તો આવો જાણીએ કઈ રાજકીય પાર્ટી કેટલા ઉચ્ચ શિક્ષિત લોકોને ટિકિટ આપી છે. 

Gujarat Assembly Elections: આજે એડીઆર દ્વારા ગુજરાત વિધાનસભાની ચૂંટણી લડી રહેલા ઉમેદવારો વિશે રિપોર્ટ જાહેર કરવામાં આવ્યો છે. આ રિપોર્ટમાં ઉમેદવારોની સંપત્તિથી લઈને તેમના ગુનાહિત ઈતિહાસ અને શૈક્ષણિક લાયકાત વિશે માહિતી આપવામાં આવી છે. તો આવો જાણીએ કઈ રાજકીય પાર્ટી કેટલા ઉચ્ચ શિક્ષિત લોકોને ટિકિટ આપી છે. 

શૈક્ષણિક લાયકાતની વિગતો જોઈએ તો, 492 (52%) ઉમેદવારોએ તેમના સોગંદનામામાં જાહેર કર્યું છે, કે તેમનું શિક્ષણ 5થી 12 સુધીનું છે.  જ્યારે 185 (23%) ઉમેદવારો ગ્રેજ્યુએટ છે અને 21 ઉમેદવારો ડિપ્લોમા હોલ્ડર છે, જ્યારે 53 ઉમેદવારોને માત્ર લખતા વાંચતાં આવડે છે, જ્યારે 37 ઉમેદવારોએ તેઓ નિરક્ષર છે તેવું જાહેર કર્યું છે.

ઉમેદવારોની વિગતો ઉંમર પ્રમાણે જોઈએ તો,  277 (35%) ઉમેદવારો 25 થી 40 ઉમર સુધીના છે. 431(55%) ઉમેદવારો 41 થી 60 સુધીના છે.  79(10%) ઉમેદવારો 61 થી 80 વચ્ચે ઉંમર ધરાવે છે જ્યારે 1 ઉમેદવાર 80 વર્ષથી ઉપરના છે. ઉમેદવારોમાં મહિલાઓની ભાગીદારી જોઈએ તો, કુલ 788 ઉમેદવારોમાં 69(9%) મહિલા ઉમેદવારો પ્રથમ તબક્કામાં ચૂંટણી લડશે. 2017 માં કુલ 923 પૈકી 57 (6%) મહિલા ઉમેદવારો હતા.

મુખ્ય પક્ષોની વાત કરીએ તો BJP ના 89 ઉમેદવારોમાંથી 79 (98 ટકા ) કરોડપત્તિ છે,  જ્યારે INC ના 89 ઉમેદવારોમાંથી 65 (73 ટકા ) કરોડપતિ છે,  અને AAP ના 88 ઉમેદવારોમાંથી ૩૩ (38%) ટકા ઉમેદવાર કરોડ ઉપર સંપત્તિ ધરાવે છે. 

સરેરાશ મિલકત જોઈએ તો, પ્રથમ તબક્કામાં ચૂંટણી લડતા ઉમેદવારોની સરેરાશ મિલકત 2.88 કરોડ છે. 2017 માં એ 2.16 કરોડ હતી.  સરેરાશ મિલકત પક્ષ પ્રમાણે BJP ના કુલ 89 ઉમેદવારોની સરેરાશ મિલકત 13.40 કરોડ થાય છે. જ્યારે INC ના 89 ઉમેદવારોની સરેરાશ મિલકત 8.38 કરોડ, AAP ના 88 ઉમેદવારોની સરેરાશ મિલકત 1.99 કરોડ છે, જ્યારે ભારતીય ટ્રાઇયબલ પાર્ટીના 14 ઉમેદવારોની સરેરાશ મિલકત 23.39 કરોડ છે.

જો ઉમેદવાર પ્રમાણે સંપત્તિ પર નજર કરીએ તો, પ્રથમ તબક્કામાં 211 ઉમેદવારો કરોડપતિ હોવાનું સામે આવ્યું છે. પ્રથમ તબક્કાના 27 ટકા ઉમેદવાર કરોડપતિ છે. જામનગર ભાજપના ઉમેદવાર રિવાબા જાડેજા પાસે કુલ 97 કરોડ મિલકત છે. દ્વારકાના ભાજપના ઉમેદવાર પબુભા માણેક પાસે 115 કરોડની કુલ મિલકત છે. પારડીના ભાજપ ઉમેદવાર કનું દેસાઈ પાસે 10 કરોડથી વધુની મિલકત છે. રાજકોટ દક્ષિણના ભાજપના રમેશ ટીલાળા પાસે કુલ 175 કરોડની મિલકત છે. કોંગ્રેસના રાજકોટના ઉમેદવાર ઇન્દ્રનીલ રાજ્યગુરુ પાસે 162 કરોડની મિલકત છે. જામનગર જિલ્લાની માણાવદર બેઠકના ભાજપના ઉમેદવાર જવાહર ચાવડાની 130 કરોડની મિલકત છે.

ઝીરો મિલકત વાળા ઉમેદવારોની વાત કરીએ તો, બહુજન સમાજ પાર્ટીના તાપીના રાકેશ ગામીત પાસે કુલ મિલકત 1000 રૂપિયાની સંપત્તિ છે. ભાવનગરના અપક્ષ ઉમેદવાર જયા બોરીચા પાસે 3000 રૂપિયાની મિલકત છે. પ્રથમ તબક્કાની 89 વિધાનસભાના 788 ઉમેદવારોના સોગંદનામાંનું વિશ્લેષણ 

788 ઉમેદવારોમાંથી 167 ઉમેદવારો (21 ટકા) ગુનાઓ ધરાવે છે.  167 ઉમેદવારમાંથી 100  (13 ટકા) સામે ગંભીર ગુનાઓ દાખલ છે. 2017માં પ્રથમ તબક્કામાં ઉભા રહેલા 923 ઉમેદવારમાંથી 137 ઉમેદવાર (15 ટકા) ગુનાહિત ઇતિહાસ ધરાવતા હતા.  જ્યારે 2017માં 78 ઉમેદવાર (8 ટકા) ગંભીર ગુનાહિત ઇતિહાસ ધરાવતા હતા.
2017 કરતા 2022માં ગંભીર ગુનાઓના ઉમેદવાર વધુ છે. 211 ઉમેદવારો કરોડપતિ હોવાનું સામે આવ્યું છે.  પ્રથમ તબક્કાના 27 ટકા ઉમેદવાર કરોડપતિ છે.  2.88 કરોડ ઉમેદવારોની સરેરાશ મિલકત છે.

ગંભીર ગુનાવાળા ઉમેદવારોની વાત કરીએ તો, AAP પક્ષના કુલ 88 ઉમેદવારોમાંથી 26 (30%), INC ના કુલ 89 ઉમેદવારોપૈકી 18 (20%), BJP ના 89 11 (12%) જ્યારે  BTPના 14 ઉમેદવારો પૈકી 1 (7%) ઉમેદવારો ગંભીર ગુનાઓ વાળા છે. મહિલાઓ સામેના ગુનાઓ ધરાવતા ઉમેદવાર. કુલ 9 ઉમેદવારની સામે મહિલાઓ સામે અત્યાચારના ગુનાઓ દાખલ છે. મર્ડર ને લગતા ગુનાઓ – 3 ઉમેદવારો સામે IPC -302 મુજબ ના ગુનાઓ દાખલ થયેલા છે. જ્યારે 12 ઉમેદવારની સામે IPC 307 મુજબના ગુનાઓ દાખલ થયેલા છે, તેવું ઉમેદવારોએ જાહેર કર્યું છે.  25 વિધાનસભા મતક્ષેત્રોમાં ત્રણ થી વધુ ઉમેદવારો ગુનાઇત ઇતિહાસ ધરાવે છે, એટલે એમને રેડ એલર્ટ મતક્ષેત્રો કહેવામાં આવ્યા છે. 2017 માં રેડ અલર્ટ મતક્ષેત્રોની સંખ્યા 21 (24%) હતી. 

© Association for Democratic Reforms
Privacy And Terms Of Use
Donation Payment Method